तीनकुने घटना : हाजिर जमानीमा रहेका राप्रपाका नेता मिश्र र राणा सम्पर्कविहीन

काठमाडौँ, जेठ ११ – तीनकुने घटनामा हाजिर जमानीमा रहेका राप्रपाका वरिष्ठ उपाध्यक्ष रवीन्द्र मिश्र र महामन्त्री धवलशम्शेर राणा प्रहरी सम्पर्कमा नरहेको खुलेको छ।

सरकारी वकिल कार्यालयले आइतबार मिश्र, राणा सहित ५० जनाविरुद्ध राजद्रोह, आपराधिक उपद्रव र संगठित अपराध अन्तर्गत मुद्दा दायर गरेको हो। तर उनीहरू अदालतमा उपस्थित नभएपछि प्रहरी फरार सूचीमा राख्ने तयारीमा छ।

वैशाख ७ गते राणा स्वास्थ्य कारणले हाजिर जमानीमा छुटेका थिए भने मिश्र सर्वोच्चको आदेशमा रिहा भएका थिए। तर हाल दुवैजना न आफूका वकिलसँग, न त प्रहरीले सम्पर्क गर्न सकेको छ।

प्रहरीले जमानी लिने व्यक्तिहरूलाई ५० हजारसम्म जरिवाना गर्न सकिने जनाएको छ।