कालो झण्डासहित चक्रपथ परिक्रमा गर्दै निजी विद्यालय बसहरू


कालो झण्डासहित चक्रपथ परिक्रमा गर्दै निजी विद्यालय बसहरू
  • नवकिरण
  • भाद्र ६, २०८२

काठमाडौं, भदौ ६ – शिक्षा विधेयक संशोधन गर्नुपर्ने मागसहित निजी तथा आवासीय विद्यालय अर्गनाइजेशन नेपाल (प्याब्सन) ले आज राजधानीमा विरोध प्रदर्शन गरेको छ।

विरोध स्वरूप उपत्यकाभित्रका विद्यालय बसहरूमा कालो झण्डा टाँसी बिहानैदेखि सडकमा उतारिएको थियो। बसहरूले प्रतिघण्टा २० किलोमिटरको गतिमा चक्रपथ वरिपरि परिक्रमा गरी सरकारलाई दबाब दिएको प्याब्सनले जनाएको छ।

प्याब्सनका अनुसार दिउँसो १२:३० बजे माइतीघर मण्डलामा विशाल भेला गरी संघीय संसद् भवनतर्फ अगाडि बढ्ने कार्यक्रम तय गरिएको छ।

प्याब्सनले शिक्षा विधेयकका प्रावधानहरू निजी विद्यालय विरोधी भएको आरोप लगाउँदै उक्त प्रावधान सच्याउन सरकारलाई आग्रह गरेको छ।