आज जेठ २९ गतेको राशिफल

आज जेठ २९ गतेको राशिफल यस प्रकार रहेको छ;

मेष (चु, चे, चो, ला, लि, लु, ले, लो, अ)

आज तपाईंको लागि केही भावनात्मक उतारचढावको दिन बन्ने संकेत देखिन्छ। मनमा अकारण निराशा र चिडचिडाहट आउने सम्भावना छ। विगतमा कहिले काहीं बाँकी रहेका अधुरा कामहरू पुनः सम्झिएर मनमा हल्का बोझ महसुस हुन सक्छ। परिवारमा केही कुरामा मतभेद आउन सक्छ, विशेष गरी पितृपक्षीय वा घरको ज्येष्ठ सदस्यसँग राय नमिल्न सक्छ। यद्यपि, यदि तपाईंले संयमित व्यवहार गर्नुभयो भने स्थिति नियन्त्रणमा ल्याउन सक्नुहुन्छ। पेशा र व्यवसायका दृष्टिले आजको दिन यथास्थितिमा चल्नेछ। आकस्मिक लाभ प्राप्त हुन सक्छ, तर त्यसका लागि निरन्तर प्रयास र मेहनत चाहिन्छ। अरूको कुरा सुनेर निर्णय गर्ने बानीले हानि पुर्‍याउन सक्छ, त्यसैले स्वविवेक प्रयोग गर्नुहोस्। आर्थिक पक्षमा अनावश्यक खर्चमा नियन्त्रण आवश्यक छ, किनभने आज मन चाहेको जस्तो धन लाभ हुने संकेत प्रबल छैन। प्रेम जीवनमा केही असमझदारी आउन सक्छ। विगतका कुरालाई लिएर मनमुटाव हुने सम्भावना छ। प्रेम सम्बन्धलाई मजबुत बनाउनका लागि संवाद नै सबैभन्दा प्रभावकारी उपाय हुनेछ। आज आफूले गर्ने प्रत्येक निर्णयमा धैर्य र बुद्धिमत्ताको परिचय दिन सक्नु भए राम्रो हुनेछ। शिक्षामा ध्यान छिट्टै भंग हुने देखिन्छ, त्यसैले अध्ययनको तालिका बनाएर अघि बढ्नुहोस्। स्वास्थ्यका हिसाबले पेटसम्बन्धी गडबडी देखिन्छ, अत्यधिक चिसो वा बेसमाल खानपानले समस्या ल्याउन सक्छ। यात्राका लागि भने समय त्यति अनुकूल छैन। अत्यावश्यक बाहेक यात्रामा ननिस्कनु नै राम्रो हुनेछ। पुराना साथीहरूसँग भावनात्मक कुराकानीले मानसिक राहत पाउन सकिन्छ।

वृष (इ, उ, ए, ओ, बा, बि, बु, बे, बो)

आजको दिन तपाईँलाई विभिन्न जिम्मेवारीहरूको भार अनुभव गराउनेछ। विगत केही समयदेखि जुनजुन कामहरू रोकिएका थिए, ती सबै एकसाथ अघि बढाउनुपर्ने परिस्थिति आउनेछ। मानसिक दबावले कतिखेर आफूलाई असहज बनाउने हो भन्ने डर रहन्छ, तर आपूmमा रहेको धैर्यता र अनुशासनले परिस्थितिलाई सहज बनाउन सकिन्छ। आर्थिक दृष्टिले हेर्दा, आजको दिन नयाँ स्रोतहरू पहिल्याउने दिन हो। जुन कामलाई लिएर तपाईंले विगतमा लगानी गर्नुभएको थियो, त्यसको लाभ लिन अझै केही समय पर्खनुपर्नेछ। तर, खर्चहरू भने एकपछि अर्को बढ्न सक्नेछन्, त्यसैले योजनाबद्ध रूपमा अघि बढ्नुपर्छ। पारिवारिक वातावरण केही समयका लागि असहज हुनसक्छ, विशेष गरी सन्तानसँग सम्बन्धित कुनै विषयले मानसिक तनाव दिन सक्छ। यदि घरभित्र कुनै महत्त्वपूर्ण निर्णय लिनुपर्ने स्थितिमा हुनुहुन्छ भने परिपक्वतापूर्वक अघि बढ्नुहोस्। प्रेम जीवनमा पनि आज आत्मविश्वास घट्नेछ, जसले सम्बन्धलाई असहज बनाउन सक्छ। शैक्षिक क्षेत्रमा रुचि नहुन सक्छ, विशेष गरी लामो समय देखिएका लक्ष्यहरूमा निराशा आउने सम्भावना छ। स्वास्थ्य सामान्य नै रहनेछ, तर पाचन प्रणालीमा गडबडी हुनसक्छ, विशेष गरी तातो र मसलेदार खानपानबाट जोगिनु उपयुक्त हुन्छ। यात्रामा आज विशेष सतर्क रहनुपर्नेछ। अनावश्यक हतार र जोखिमपूर्ण बाटो नलिनु नै हितकर हुनेछ। जीवनका यस्ता परिस्थितिहरूमा ध्यान, साधना, वा आफन्तसँग भावनात्मक कुरा गर्नुले मानसिक सान्त्वना दिन सक्छ।

मिथुन (का, कि, कु, घ, ङ, छ, के, को, ह)

आज मिथुन राशि भएकाहरूको लागि नयाँ सोच र योजना बनाउन निकै राम्रो दिन हो। तपाईंको मन धेरै कुरामा रमाउनेछ, र त्यसले गर्दा काममा नयाँ ऊर्जा मिल्नेछ। विशेष गरी तपाईंको योजना र विचारले अरूलाई प्रभावित गर्न सक्नेछ। विगतमा रोकिएको कुनै काम आज अघि बढ्न सक्छ र त्यसले आगामी दिनहरूमा ठूलो लाभ दिने संकेत देखिन्छ। व्यावसायिक क्षेत्रमा तपाईंलाई विशेष सतर्क रहनुपर्ने समय हो। अरूको विश्वासमा परेर निर्णय लिनु जोखिमपूर्ण हुन सक्छ। आर्थिक पक्षमा आज स्थायित्व रहला, तर नयाँ लगानीको योजना तत्कालका लागि रोक्नु उपयुक्त हुनेछ। कुनै पनि नयाँ काममा हात हाल्नु अघि घरपरिवार वा विश्वासपात्रसँग सल्लाह लिनु बुद्धिमानी हुनेछ। पारिवारिक जीवनमा वातावरण शान्त नै रहनेछ। घरमा केही खुशीका पलहरू सँगै बिताउने अवसर मिल्नेछ। प्रेम जीवनमा पनि नयाँ उत्साह जाग्नेछ। यदि विगतमा केही मतभेद आएका थिए भने आज ती समाप्त हुने संकेत देखिन्छ। प्रेम प्रस्ताव राख्नका लागि पनि समय उत्तम देखिन्छ। शैक्षिक क्षेत्रमा नयाँ विषयवस्तुमा रुचि जाग्नेछ र तपाईंको सिर्जनशीलता प्रकट हुनेछ। स्वास्थ्य सामान्य नै रहला, यद्यपि अत्यधिक सोच-विचारले मानसिक थकान ल्याउन सक्छ। यात्रामा नयाँ अनुभव बटुलिनेछ। विशेष गरी साहित्य, कला वा अध्यात्मसँग सम्बन्धित यात्राको योजना बनाउनुहोस् भने थप फाइदा मिल्नेछ।

कर्कट (हि, हु, हे, हो, डा, डि, डु, डे, डो)

आज कर्कट राशि भएकाहरूले मनमा केही असहजता र तनावको अनुभूति गर्न सक्नुहुन्छ। विगतका केही अप्रिय अनुभवहरू फेरि मनमा घुम्न थाल्न सक्छन् र त्यसले तपाईंको मनोबललाई केही क्षण कमजोर बनाउने सम्भावना छ। यद्यपि, आत्मनिरीक्षण गर्ने दिन पनि आज हुन सक्छ। तपाईंको आफ्नै कमजोरी र शक्तिहरू पहिचान गर्ने अवसर प्राप्त हुनेछ। आर्थिक रूपमा हेर्दा, खर्चहरू ह्वात्तै बढ्ने सम्भावना छ। परिवारभित्र आवश्यकतालाई लिएर खर्च गर्नु पर्नेछ। कुनै ठूलो योजनामा लगानी गर्न भने समय उपयुक्त छैन। अत्यावश्यक नभएको खर्च कटौती गर्न सक्नुहुन्छ भने निकट भविष्यमा आर्थिक संकटबाट जोगिन सक्नुहुन्छ। पारिवारिक सम्बन्धमा विशेष सतर्कता आवश्यक हुनेछ। जीवनसाथी वा आमाबुवासँग केही विषयमा मतभेद आउन सक्छ। बोलेको शब्दमा नियन्त्रण राख्न नसक्दा सम्बन्धमा चिसोपन आउन सक्छ। प्रेम सम्बन्धमा पनि द्विविधा र आशंकाको अवस्था देखिन्छ। प्रेमी–प्रेमिकाबीच पुराना कुराहरू लिएर विवाद आउन सक्छ, त्यसैले संवाद नै सबैभन्दा उत्तम उपाय हुनेछ। शैक्षिक र बौद्धिक क्षेत्रमा आजको दिन मन चाहेजस्तो उपलब्धि नहुन सक्छ। एकाग्रता भंग हुन सक्छ, त्यसैले लक्ष्यप्रति प्रतिबद्ध भएर अघि बढ्न आवश्यक छ। स्वास्थ्यका हिसाबले शारीरिकभन्दा मानसिक थकान बढी हुनेछ। अत्यधिक चिन्ता नगर्नुहोस्; ध्यान वा साधना गर्न सके मानसिक राहत मिल्नेछ। यात्रामा हतार नगर्नु राम्रो हुनेछ। सवारी साधन चलाउँदा विशेष सतर्क रहनुहोस्। जीवनका यस्ता चुनौतीपूर्ण क्षणहरूमा आफन्तसँग भावनात्मक सहारा लिनुहोस्।

सिंह (मा, मि, मु, मे, मो, टा, टि, टु, टे)

आज सिंह राशि भएकाहरूको लागि आत्मविश्वासले भरिपूर्ण दिन हो। तपाईँभित्र अदम्य ऊर्जा रहनेछ र जुनसुकै परिस्थितिमा पनि आफूलाई स्थापित गर्न सफल हुनुहुनेछ। विगतका अनुभवहरूले तपाईँलाई सिकाएको धैर्यता र विवेक आज काम लाग्नेछ। अरू मानिसहरू तपाईँको नेतृत्व क्षमताबाट प्रभावित हुनेछन्। आर्थिक पक्षमा नयाँ आयस्रोत फेला पार्न सक्ने सम्भावना छ। विगतमा जुनसुकै क्षेत्रमा लगानी गरेको भए पनि त्यसको प्रतिफल आउन थाल्नेछ। नयाँ व्यापार वा योजना सुरु गर्ने सोच बनाएको भए, आज त्यसका लागि रणनीति बनाउने उत्तम समय हो। व्यवसायमा पनि तपाईँको निर्णयले राम्रो नतिजा ल्याउनेछ। पारिवारिक वातावरणमा मेलमिलाप बढ्नेछ। सन्तानसँग सम्बन्ध राम्रो रहनेछ र घरमा सँगै बसेर रमाइलो गर्ने वातावरण बन्नेछ। प्रेम जीवनमा पनि सकारात्मकता छाउनेछ। साथी वा प्रेमी–प्रेमिकासँग लामो समयपछि भेटघाट वा रमाइलो समय बिताउने अवसर मिल्नेछ। यदि विगतमा कुनै कुरामा असमझदारी थियो भने आज त्यसलाई सहजै समाधान गर्न सकिनेछ। शिक्षामा नयाँ उत्साह आउनेछ। अध्ययन र अनुसन्धानमा सफल हुने दिन हो। स्वास्थ्य सामान्य रहनेछ, तर अत्यधिक व्यस्तताले थकान दिन सक्छ। समयमा आराम लिनुहोस्। यात्राका लागि पनि शुभ समय हो। विशेष गरी पेशागत कामका लागि बाहिर निस्कनु परेको छ भने सफलताका संकेत देखिन्छ।

कन्या (टो, पा, पि, पु, ष, ण, ठ, पे, पो)

आज कन्या राशि भएकाहरूको लागि अत्यन्त व्यस्त दिन बन्नेछ। विगतका अधुरा कामहरू सक्ने जिम्मेवारी आज तपाईंमाथि आउनेछ। एकपछि अर्को कामले तपाईंलाई थकित बनाउनेछ, तर समय व्यवस्थापन गर्न सक्नुभयो भने दिन उत्तम बनाउन सक्नुहुन्छ। आर्थिक दृष्टिले हेर्दा, आज लगानीभन्दा पनि बचत गर्ने सोच बनाउनु राम्रो हुनेछ। घरभित्र केही आकस्मिक खर्चहरू आउन सक्छन्, त्यसैले आवश्यकता बाहेक अन्य खर्चहरू रोक्नुपर्छ। यदि नयाँ व्यापार वा व्यवसाय सुरु गर्ने सोच छ भने केही दिन प्रतीक्षा गर्नु राम्रो हुनेछ। पारिवारिक जीवनमा सामान्य विवाद आउन सक्छ, तर तपाईंको धैर्यता र समझदारीले समस्या समाधान हुनेछ। पारिवारिक वातावरण मिलनसार बनाइराख्न विशेष भूमिका खेल्नु पर्नेछ। प्रेम जीवनमा अलिकति चिसोपन आउने सम्भावना छ। साथी वा प्रेमीसँग आवश्यक संवाद गरी समस्या समाधान गर्न सक्नुहुन्छ। शैक्षिक क्षेत्रमा ध्यान केन्द्रित गर्न कठिनाइ हुनसक्छ। विगतका असफलताहरू मनमा आएर मनोबल कमजोर बनाउन सक्छ, तर नयाँ लक्ष्य बनाएर अघि बढ्नु राम्रो हुनेछ। स्वास्थ्यका हिसाबले पाचन प्रणाली कमजोर हुन सक्छ। सादा र सुपाच्य भोजन लिनुहोस्। यात्रा गर्दा विशेष सावधानी अपनाउनु राम्रो हुनेछ। लामो यात्राको योजना बनाउनु अघि त्यसको सबै पक्षमा समीक्षा गर्नुपर्नेछ। आजको दिन तपाईँको मानसिक सन्तुलन र आत्मबलले नै तपाईंलाई सफल बनाउनेछ।

तुला (रा, रि, रु, रे, रो, ता, ति, तु, ते)

आज तुला राशि भएकाहरूका लागि निर्णय क्षमतामा बलियोपन देखिन्छ। कुनै समय अन्योलमा रहेर निर्णय गर्न नसकेको विषयहरूमा आज स्पष्टता आउँछ। तपाईँको तार्किक क्षमता र विवेक आज विशेष प्रभावशाली रहनेछ। विगतमा कुनै गल्ती गरेको अनुभव भएमा त्यसलाई सुधार गर्ने दिन पनि यही हो। आर्थिक रूपमा आजको दिन स्थिर रहनेछ। अचानक धन लाभको संकेत त देखिँदैन, तर नयाँ स्रोतहरू पहिल्याउने अवसर अवश्य प्राप्त हुनेछ। यदि कसैलाई ऋण दिएको छ भने फिर्ता पाउन सकिने सम्भावना छ। नयाँ व्यापार सुरु गर्न चाहनुहुन्छ भने अझै केही समय प्रतीक्षा गर्नु बुद्धिमानी हुनेछ। पारिवारिक जीवन सामान्य रहनेछ। साथीभाइसँग भेटघाटको सम्भावना रहन सक्छ। परिवारमा कुनै सदस्यसँग विचार नमिल्न सक्छ, तर तपाईंको संयमित व्यवहारले स्थितिलाई सहज बनाउन सक्नुहुन्छ। प्रेम जीवनमा भने सन्तोषजनक स्थिति रहनेछ। विगतका असमझदारीहरू समाधान भएर सम्बन्धमा नयाँ ऊर्जा आउनेछ। शैक्षिक क्षेत्रमा मन स्थिर राख्नुपर्ने समय हो। अध्ययनमा ध्यान केन्द्रित गरी लक्ष्यप्रति प्रतिबद्ध रहनुहोस्। स्वास्थ्यमा विशेष गरी सुत्ने बानी राम्रो बनाउनुपर्नेछ। अनिद्राले मानसिक तनाव बढाउन सक्छ। यात्रामा नयाँ अनुभव बटुलिनेछ, विशेष गरी अध्ययन र अनुसन्धानसँग सम्बन्धित यात्राले फाइदा दिनेछ।

वृश्चिक (तो, ना, नि, नु, ने, नो, या, यि, यु)

आज वृश्चिक राशि भएकाहरूको लागि दिन अलिकति चुनौतीपूर्ण हुनसक्छ। विगतका केही घटनाहरूले तपाईंलाई असहज बनाउन सक्छ। मनमा आशंका र द्विविधा आउने समय हो। विशेष गरी आफूले विश्वास गरेका व्यक्तिबाट नै निराश हुनुपर्ने स्थिति आउनेछ, त्यसैले आज निर्णय गर्दा अत्यन्त सजग रहनुहोस्। आर्थिक रूपमा हेर्दा, आज कुनै ठुलो लाभको अपेक्षा गर्नु उपयुक्त छैन। खर्चहरू अनियन्त्रित बन्न सक्छन्। विशेष गरी घरभित्र वा पारिवारिक सदस्यका लागि आकस्मिक खर्च आउनेछ। यदि कुनै नयाँ योजना वा व्यापार सुरु गर्न चाहनुहुन्छ भने राम्ररी सोचविचार गरेर मात्रै अघि बढ्नुहोस्। पारिवारिक जीवनमा केही असमझदारी आउन सक्छ। विशेष गरी दाजुभाइ वा आफन्तसँग सम्बन्धित कुनै विषयले मनमा निराशा ल्याउन सक्छ। प्रेम जीवनमा पनि अहिले पुराना कुराहरू लिएर विवाद हुने सम्भावना छ। यस्ता परिस्थितिमा वाणी संयमित राख्नु नै उचित हुनेछ। शैक्षिक क्षेत्रमा पनि आज मन स्थिर रहन सक्दैन। नयाँ कुरा सिक्न मन लाग्ला तर ध्यान केन्द्रित गर्न कठिनाइ हुनेछ। स्वास्थ्यका हिसाबले पाचन तन्त्रमा समस्या आउने संकेत छ। फोहोर पानी वा खानपानबाट बच्नुहोस्। यात्रामा अनावश्यक जोखिम नलिनु नै उपयुक्त हुनेछ।

धनु (ये, यो, भा, भि, भु, धा, फा, ढा, भे)

धनु राशि भएका व्यक्तिहरूका लागि आजको दिन नयाँ अवसरहरू लिएर आउने छ। तपाईंको विचार र दृष्टिकोणमा सकारात्मक परिवर्तनहरू देखिनेछन्। विगतमा रोकिएका केही कामहरू अघि बढ्नेछन् र सफलताको आस्वादन हुने छ। विशेषगरी यात्रा र नयाँ सम्बन्ध स्थापना गर्ने पक्षमा आज समय अनुकूल देखिन्छ। पेशा वा व्यवसायमा तपाईंलाई सहकर्मी र वरिष्ठहरूको सहयोग मिल्नेछ। अरूको विश्वास जित्न सक्नु हुनेछ, जसले दीर्घकालीन रूपमा फाइदा पुर्याउनेछ। आर्थिक पक्षमा केही आकस्मिक खर्चहरू आउन सक्छन्, तर योजना बनाएर खर्च गर्न सक्नुभयो भने आर्थिक अवस्था सुदृढ हुनेछ। नयाँ लगानीका लागि सावधानी अपनाउनु आवश्यक छ। पारिवारिक जीवनमा सुखद समय बित्नेछ। परिवारका सदस्यसँग सम्बन्ध अझ नजिकिनेछन्। प्रेम जीवनमा प्रेमी–प्रेमिकाबीच माया र समझदारी बढ्नेछ। साना कुराहरूले प्रेम सम्बन्धलाई बलियो बनाउनेछन्। शैक्षिक क्षेत्रमा आजको दिन अध्ययनका लागि शुभ छ। नयाँ ज्ञान सिक्न मन लाग्नेछ। स्वास्थ्यमा ऊर्जा भरिपूर्ण रहनेछ। तर शरीरमा सन्तुलन कायम राख्न योग वा व्यायाममा ध्यान दिनु उचित हुनेछ। यात्रा गर्ने योजना बनाउनु भयो भने समय अनुकूल छ, तर यात्रा गर्दा सुरक्षित उपाय अपनाउनु आवश्यक छ।

मकर (भो, ज, जी, गु, गे, गो, सा, सि, सु)

मकर राशि भएका व्यक्तिहरूले आज आफ्नो काममा नयाँ जिम्मेवारी पाउन सक्छन्। विगतका मेहनतको फलस्वरूप उन्नति हुने संकेत छ। तर केही चुनौतीहरू पनि सामना गर्नुपर्नेछ जसमा तपाईँको धैर्यता र योजना बनाउने क्षमता महत्वपूर्ण हुनेछ। सम्भावित तनावलाई नियन्त्रण गर्न आवश्यक छ। आर्थिक पक्षमा आजको दिन मध्यम रहनेछ। ठूला आर्थिक लाभ नहुन सक्छ, तर नियमित आय स्थिर रहनेछ। खर्चमा केही कमी आउन सक्छ, तर अत्यावश्यक खर्च बढ्ने सम्भावना छ। नयाँ लगानीमा सोचविचार पुर्‍याउनुहोला। पारिवारिक जीवन सामान्य रहनेछ। घरमा कुनै सानोतिनो विवाद हुन सक्छ, तर तपाईँको व्यवहारले शान्तिपूर्ण समाधान हुने छ। प्रेम जीवनमा केही असमझदारी र द्विविधा देखिन्छ। प्रेम सम्बन्धलाई मजबुत बनाउन संवाद आवश्यक छ। शिक्षामा मन लगाउनुपर्छ, किनकि ध्यान भंग हुन सक्छ। स्वास्थ्यमा विशेष गरी मांसपेशी र हड्डीसम्बन्धी समस्या आउन सक्छ। आराम र नियमित व्यायाम आवश्यक हुनेछ। यात्रा अनुकूल छैन, अनावश्यक यात्रा नगर्नुहोस्।

कुम्भ (से, सो, दा, दी, दू, थ, झ, ञ, दे)

कुम्भ राशि भएका व्यक्तिहरूका लागि आज सोच र व्यवहारमा नयाँपन आउनेछ। तपाईंको सिर्जनशीलता र नवप्रवर्तनको पक्षले काममा राम्रो नतिजा दिनेछ। नयाँ योजना बनाउन र दीर्घकालीन लक्ष्यतर्फ ध्यान दिन समय अनुकूल छ। पेशा वा व्यवसायमा तपाईंलाई प्रतिस्पर्धाबाट फाइदा मिल्नेछ। सहकर्मी र नेतृत्वबाट समर्थन पाउने समय छ। आर्थिक रूपमा दिन उत्साहजनक हुनेछ। नयाँ आयका स्रोतहरू पत्ता लगाउने मौका मिल्नेछ। खर्च नियन्त्रणमा राख्न सक्नुभयो भने आर्थिक रूपमा लाभ हुनेछ। पारिवारिक जीवनमा सकारात्मकता छाउनेछ। घरपरिवारसँग रमाइलो समय बित्नेछ। प्रेम जीवनमा समझदारी र मेलमिलाप बढ्नेछ। कुनै विवाद भएमा आपसी समझदारीले समाधान हुने छ। शिक्षा र अध्ययनका लागि आजको दिन शुभ छ। नयाँ ज्ञान सिक्न उत्साह जाग्नेछ। स्वास्थ्यमा सामान्यतया सुधार देखिन्छ, तर मानसिक तनावबाट बच्न ध्यान दिनु आवश्यक छ। यात्रा अनुकूल छ, तर जोखिमपूर्ण कामबाट टाढा रहनुहोस्।

मीन (दो, चा, चि, चु, छ, जे, जो, त, थ)

मीन राशि भएकाहरूको लागि आजको दिन भावनात्मक रूपमा धेरै महत्वपूर्ण हुनेछ। तपाईंको मन धेरै संवेदनशील बन्न सक्छ। पुराना यादहरू सताउने सम्भावना छ, जसले तपाईंलाई भावनात्मक रूपमा थकित बनाउन सक्छ। त्यसैले मनलाई शान्त राख्न ध्यान वा योग उपयोगी हुनेछ। आर्थिक पक्षमा अनिश्चितता रहनेछ। खर्चहरू अनियन्त्रित हुने सम्भावना छ। नयाँ योजना बनाउनुअघि विचार पुर्‍याउनुहोस्। पारिवारिक रूपमा तपाईंलाई थोरै तनावको सामना गर्नुपर्न सक्छ। जीवनसाथीसँग सम्बन्धमा केही असमझदारी आउन सक्छ। प्रेम जीवनमा आज केही द्विविधा देखिन्छ। प्रेमी–प्रेमिकाबीच असमझदारी हुनसक्छ, तर खुलेर कुरा गर्दा समस्या समाधान हुने छ। अध्ययनमा मन लगाउन कठिनाई हुनेछ, त्यसैले ध्यान भंग हुन सक्छ। स्वास्थ्यमा शारीरिक थकान र मानसिक तनाव देखिन्छ। विश्राम र सन्तुलित खानपान आवश्यक छ। यात्रा गर्ने योजना छ भने ख्याल गर्नुहोला, अनावश्यक जोखिम नलिनु उपयुक्त हुनेछ।