विद्युत अभावविरुद्ध युवाहरू माइतीघरमा लालटिनसहितको प्रदर्शन

काठमाडौं, भदौ १३ – अछामका धेरै गाउँ अझै पनि राष्ट्रिय प्रसारण लाइनबाट वञ्चित रहेको भन्दै सुदूरपश्चिमाञ्चलका युवाहरूले आज माइतीघर मण्डलामा लालटिन बोकेर प्रतीकात्मक प्रदर्शन गरेका छन्।

बोलन्या थली फोरमको आयोजनामा भएको उक्त प्रदर्शनमा सहभागी युवाहरूले सरकारले ग्रामीण क्षेत्रमा ऊर्जा पहुँचको गम्भीर समस्या बेवास्ता गरेको भन्दै आक्रोश पोखेका थिए।

फोरमका अध्यक्ष यादव जोशीका अनुसार अछामको क्वाखेल, जामा, फल्टाने, सुनदेवी, छडानदेवी र भूल हरफ बलाता लगायतका बस्तीमा अझै पनि प्रसारण लाइन नपुगेको छ। यी क्षेत्रमा ४ हजारभन्दा बढी बासिन्दा लामो समयदेखि अन्धकारमै बस्न बाध्य छन्।

प्रदर्शनकारीहरूले तत्काल ग्रामीण क्षेत्रमा प्रसारण लाइन विस्तार गरी विद्युत् उपलब्ध गराउन सरकार र नेपाल विद्युत प्राधिकरणलाई आग्रह गरेका छन्।