प्रचण्डको चुनौती : “८४ को चुनाव जितेर शासन गरून् राजावादी”

नुवाकोट, जेठ १७ – माओवादी केन्द्रका अध्यक्ष पुष्पकमल दाहाल ‘प्रचण्ड’ले राजावादी शक्तिलाई २०८४ सालको चुनाव जितेर शासन गर्न चुनौती दिएका छन्।

विदुरमा पत्रकार सम्मेलन गर्दै उनले संविधान विरोधी गतिविधिमा राजावादीहरू संलग्न रहेको आरोप लगाए।

प्रचण्डले गृहमन्त्री रमेश लेखकले नैतिकताको आधारमा राजीनामा दिनुपर्ने बताउँदै छानबिनको बाटो खुला गर्न आग्रह गरे।

शेरा दरबार प्रकरणबारे बोल्दै उनले आफूविरुद्ध षड्यन्त्र गरिएको र छानबिन गर्न तयार रहेको स्पष्ट पारे।

गणतन्त्रको रक्षा र परिवर्तनको मार्गमा माओवादी मात्र सक्षम रहेको दाबी गर्दै प्रचण्डले गणतान्त्रिक शक्तिहरूबीच एकता आवश्यक रहेको बताए।