हजारौं समर्थकको घेरामा निर्मल निवास पुगे शाह

काठमाडौं, फागुन १ – पूर्वराजा ज्ञानेन्द्र शाह झापाबाट त्रिभुवन अन्तर्राष्ट्रिय विमानस्थल ओर्लिएपछि उनका समर्थकहरूको ठूलो घेरामा निर्मल निवास पुर्‍याइएको छ।

विमानस्थलमा हजारौं समर्थकहरूले पूर्वराजालाई स्वागत गरेका थिए। त्यसपछि नाराजुलुसको रुपमा उनलाई चक्रपथ हुँदै निर्मल निवाससम्म पुर्‍याइएको थियो।

जिल्ला प्रहरी परिसर काठमाडौंका एसपी तथा प्रवक्ता पवनकुमार भट्टराईका अनुसार नाराजुलुसका कारण बिहानैदेखि सुरक्षा व्यवस्थापनमा प्रहरी खटाइएको थियो। तर कुनै उच्छृंखल गतिविधि नभएको उनले बताए।

पूर्वराजा ज्ञानेन्द्र शाह झापाबाट हेलिकप्टरमार्फत काठमाडौं आएका थिए र समर्थकहरूको उत्साहपूर्ण स्वागतले उनको यात्रालाई विशेष रूपमा स्मरणीय बनाएको छ।