५० दिन हिरासतमा लेखिएका ३५ कविता, रवीन्द्र मिश्रको ‘माथिको आदेश छ’ सार्वजनिक हुने

काठमाडौं, भदौ ९ – प्रहरी हिरासतमा रहेका बेलामा राप्रपाका उपाध्यक्ष रवीन्द्र मिश्रलाई कविता लेख्ने जोश चढ्यो। ५० दिनको बसाइमा उनले ३५ वटा कविता लेखे, जसलाई समेटेर ‘माथिको आदेश छ’ नामक संग्रह तयार भएको छ।

संग्रह भदौ २८ गते सार्वजनिक गरिने तयारी भएको छ। हिरासत जीवनको मानसिक दबाब र अनुभूतिहरूलाई कवितामा उतारिएको मिश्रको भनाइ छ। “यी कविता मेरो भित्रको आवेग र पीडाका स्वर हुन्,” उनले भने।

मिश्रले स्वीकारेका छन्, जीवनमा पहिलोपटक त्यति छोटो समयमा यति धेरै कविता लेख्न सकिएको हो। उनका अनुसार कहिलेकाहीँ एउटै दिन दुई कविता पनि लेखिएको थियो।

‘माथिको आदेश छ’ उनको दोस्रो कविता संग्रह हो। यसअघि सन् २०७१ मा ‘रवीन्द्र मिश्रका कविता’ प्रकाशित भइसकेको थियो। नयाँ कृति फाइनप्रिन्टले बजारमा ल्याउने तयारी गरेको छ।