जग्गा सट्टापट्टा प्रकरण : पूर्वप्रधानमन्त्री नेपालविरुद्ध थुनछेक बहस आजै हुने

काठमाडौं, असार ११ – पतञ्जलि योगपीठसँग सम्बन्धित जग्गा सट्टापट्टा प्रकरणमा पूर्वप्रधानमन्त्री तथा एकीकृत समाजवादी अध्यक्ष माधवकुमार नेपाल बुधबार विशेष अदालतमा उपस्थित हुँदैछन्।

नेपालका कानुन व्यवसायीका अनुसार अदालतमा उपस्थित हुन पाउने निवेदन दर्ता भइसकेको छ। बयान सकेपछि थुनछेक बहस हुनेछ, जसमा नेपाल पक्षले उनलाई साधारण तारेखमा छाड्न माग गर्नेछ भने सरकारी वकिलले थुनामा राख्नुपर्ने जिकिर गर्नेछ।

२०७६ सालमा पतञ्जलिलाई जडीबुटी खेती र अस्पताल निर्माणका लागि हदबन्दी छुटमा काभ्रेको ८१५ रोपनी जग्गा किन्न नेपाल नेतृत्वको मन्त्रिपरिषद्ले अनुमति दिएको थियो। तर, खरिदपछि केही महिनामै सो जग्गा बिक्री गर्ने निर्णय गरेपछि अनियमितता भएको भन्दै अख्तियारले छानबिन गर्दै विशेष अदालतमा मुद्दा दायर गरेको हो।

कानुनअनुसार हदबन्दी छुटमा लिइएको जग्गा बिक्री गर्न पाइँदैन।