‘अफवाहमा नपर्नुहोस्’, अक्टोबर ९ मा आन्दोलन हुँदैन : ढुंगाना

काठमाडौँ, असोज १४ – जेनजी अभियन्ता मिराज ढुंगानाले सामाजिक सञ्जालमा फैलिँरहेको ‘अक्टोबर ९’ सम्बन्धी हल्लाप्रति ध्यानाकर्षण गराउँदै ती दिन कुनै पनि प्रकारको आन्दोलन वा हिंसात्मक प्रदर्शन नहुने स्पष्ट पारेका छन्। ढुंगानाले आन्दोलनबिना कुनै औचित्यपूर्ण प्रदर्शनमा सहभागी नहुने बताए ।

ढुंगानाले भने, “हामीले कुनै एजेन्डा नभएका प्रदर्शनमा भाग लिँदैनौं। यदि शान्तिपूर्ण रूपमा कुनै कार्यक्रम गर्नुपर्यो भने फरक कुरा होला, तर हिंसात्मक गतिविधिमा हामी संलग्न हुने छैनौं।” उनले सामाजिक सञ्जालमा भाइरल भएका गलत सूचनालाई समेत खण्डन गरे।

ढुंगानाले जनाए कि जेनजीको उद्देश्य देशमा शान्ति कायम राख्नु र समुदायका वास्तविक मुद्दा उठाउनु हो, न कि चेतावनीका नाममा अव्यवस्थित प्रदर्शन गर्नु। उनले विगतमा गरेको व्यंग्यात्मक टिप्पणीलाई पनि उद्धृत गर्दै भने, “गत अक्टोबर ८ मा हामी ‘मुसा मार्न’ गएका थियौं, अब पहिले झैँ ‘बाघ बोकेर’ ल्याउन सकिँदैन अर्थात् एजेन्डा नहुँदा प्रदर्शनको अर्थ हुँदैन।”

सम्पूर्ण रुपमा ढुंगानाको स्पष्टिकरणले अक्टोबर ९ का दिन सम्बन्धमा फैलिरहेका अफवाहहरूसँगै समुदायलाई शान्ति र संयमता अपनाउन आग्रह गरेको छ।