गृहमन्त्री गुरुङद्वारा दुई अध्यादेश संशोधन प्रस्ताव प्रतिनिधिसभामा प्रस्तुत

काठमाडौं, चैत १९ – गृहमन्त्री सुधन गुरुङले प्रतिनिधिसभा बैठकमा दुई महत्त्वपूर्ण अध्यादेश संशोधनका प्रस्ताव प्रस्तुत गरेका छन्।

बिहीबार बसेको बैठकमा उनले मतदाता नामावली सम्बन्धी कानुन परिमार्जन गर्न आवश्यक रहेको उल्लेख गर्दै मतदाता नामावली ऐन, २०७३ को दफा ४ को उपदफा २ संशोधन गर्ने प्रस्ताव अघि सारे।

त्यसैगरी, उनले नेपाल विशेष सेवा ऐन संशोधनका लागि पनि अध्यादेश पेस गरेका छन्। सरकारले यी संशोधनमार्फत सम्बन्धित कानुनलाई समसामयिक बनाउन र कार्यान्वयन प्रक्रियालाई थप प्रभावकारी बनाउने उद्देश्य राखेको जनाएको छ।

प्रस्तावित संशोधनहरूबारे प्रतिनिधिसभामा आगामी दिनमा थप छलफल हुने अपेक्षा गरिएको छ।