देश र जनताको मुद्दामा राप्रपा सहयोगी बन्नेछ: ज्ञानेन्द्र शाही

काठमाडौं, चैत १२ – राष्ट्रिय प्रजातन्त्र पार्टी (राप्रपा)का सांसद ज्ञानेन्द्र शाहीले संसद् भवन, सिंहदरबारमा सञ्चारकर्मीहरूसँग कुरा गर्दै आफ्नो पार्टी देश र जनताको मुद्दामा सहकार्य गर्ने बताएका छन्।

सांसद शाहीले मुलुकमा व्याप्त भ्रष्टाचार अन्त्य गर्न र सुशासन कायम गर्न राप्रपाले सक्रिय भूमिका खेल्ने बताए। उनले यसअघिको संसद् जस्तो अबको संसद् फरक हुने र आफ्नो पार्टीले करिब दुई तिहाइ नजिकको सरकारलाई सतर्क राख्ने स्पष्ट संकेत दिएका छन्।

शाहीले भने, “जाँचबुझ आयोगको प्रतिवेदन कार्यान्वयन गरिनु आवश्यक छ र दोषी चाहे जोसुकै भए पनि कारबाहीको दायरामा ल्याउनुपर्छ।” उनले पार्टीको प्राथमिकता देश र जनताको हितमा आधारित हुने उल्लेख गरेका छन्।

राप्रपाका सांसद शाहीको यो अभिव्यक्ति आगामी संसद् गतिविधि र सरकारको नीति प्रत्यक्ष प्रभाव पार्ने रूपमा हेरिन सक्छ।