डा. विश्व पौडेल नेपाल राष्ट्र बैंकका १८औँ गभर्नरमा नियुक्त

काठमाडौं, जेठ ६ – नेपाल राष्ट्र बैंकको १८औँ गभर्नरको रूपमा डा. विश्व पौडेल नियुक्त भएका छन्। मङ्गलबार बसेको मन्त्रिपरिषद्को बैठकले उनलाई गभर्नरमा नियुक्त गर्ने निर्णय गरेको हो।

गभर्नर छनोट सिफारिस समितिले आजै बसेको बैठकमार्फत डा. पौडेलसहित तीन जनाको नाम सिफारिस गरेको थियो। चैत २३ गते महाप्रसाद अधिकारीको कार्यकाल सकिएपछि रिक्त रहेको उक्त पदमा झण्डै डेढ महिनापछि नियुक्ति गरिएको हो।

प्रधानमन्त्री पुष्पकमल दाहाल ‘प्रचण्ड’ र नेपाली कांग्रेसका सभापति शेरबहादुर देउवाबीच भएको सहमतिअनुसार पौडेललाई गभर्नर बनाउने निर्णय गरिएको हो।

यसअघि गभर्नरको उम्मेदवारका रूपमा एक दर्जनभन्दा बढी नामहरू सार्वजनिक बहसमा आएका थिए। तर कुनै पनि नाममा सहमति जुट्न नसकेपछि सिफारिस समितिमा रहेका डा. पौडेललाई अन्ततः वैकल्पिक उम्मेदवारको रूपमा अघि सारिएको थियो।

लामो राजनीतिक छलफल र सहमतिपछि पौडेलको नियुक्ति सम्भव भएको बताइएको छ।