मुग्लिन–नारायणगढ सडक दिनभर अवरुद्ध हुने

चितवन, असोज ८ – चितवनको मुग्लिन–नारायणगढ सडकखण्डमा तुइनखोला नजिक मंगलबार साँझ गएको पहिरो अझै पन्छाउन सकिएको छैन। सडक डिभिजन कार्यालय भरतपुरले बुधबार दिनभर मेसिन परिचालन गरी काम भइरहेको भए पनि पूर्णरूपमा आवागमन खुल्न समय लाग्ने जनाएको छ।

सडक अवरुद्ध भएपछि यात्रुहरूलाई वैकल्पिक बाटो प्रयोग गर्न आग्रह गरिएको छ। हलुका सवारी जुटपानी–शक्तिखोर–मायाँटार हुँदै धादिङको मलेखु वा त्रिभुवन राजपथ हुँदै नौबिसे–हेटौँडा प्रवेश गर्न सक्नेछन्।

ठूला सवारीका लागि कान्ति लोकपथ हुँदै हेटौँडा–गिंगन–भट्टेडाँडा–सातदोबाटो मार्ग प्रयोग गर्न सुझाव दिइएको छ। त्यस्तै, पोखरातर्फ जाने यात्रुहरूले बुटवल मार्ग रोज्न सक्नेछन् भने कालीगण्डकी कोरिडोरमा हलुका सवारी सञ्चालन हुने जनाइएको छ।

दशैंको भीडभाडमा सडक बन्द हुँदा यात्रुहरू घण्टौँसम्म रोकिएर हैरान भएका छन्।