संसद पुनर्स्थापना र सर्वपक्षीय सरकारको मागसहित बुटवलमा एमालेको प्रदर्शन

कात्तिक, बुटवल २९ – देशभरि चलिरहेको अभियानअन्तर्गत नेकपा एमाले रूपन्देहीले शनिबार बुटवलमा शक्ति प्रदर्शनसहित जनसभा आयोजना गरेको छ।

लोकतन्त्र र संविधानको रक्षा, संसद पुनर्स्थापना, सर्वपक्षीय सरकार गठन तथा जेन जी पुस्ताका माग सम्बोधनजस्ता एजेन्डा लिएर गरिएको उक्त प्रदर्शन राजमार्ग चौराहाबाट सुरु भई ट्राफिक चोकमा जनसभामा परिणत भएको थियो।

सभामा बोल्दै एमालेका केन्द्रीय सचिव छबिलाल विश्वकर्माले पछिल्ला राजनीतिक घटनाक्रमलाई षड्यन्त्रको परिणामका रूपमा व्याख्या गर्दै भदौ २३ र २४ गतेका घटनाहरू देश destabilize गर्ने उद्देश्यले गराइएको दाबी गरे। उनले एमाले नेतृत्वमा भएका विकास निर्माणका कामकै कारण प्रतिगामी शक्ति तर्सिएको आरोप लगाए।

त्यस्तै, पोलिटब्युरो सदस्य लीला गिरीले संविधान संकटमा परेको अवस्थाले सडक संघर्षमा उत्रिनुपर्ने बाध्यता आएको उल्लेख गरे। गिरीका अनुसार एमाले निरन्तर राष्ट्र, राष्ट्रियता र समृद्धिको पक्षमा उभिएको पार्टी भएकाले यस्तो संकटमा मौन बस्न नहुने बताएका छन्।

युवा संघका पूर्व उपाध्यक्ष राजु गुरुङले जेन जी आन्दोलनको नाममा गरिएको तोडफोड र आगजनी नियोजित रूपमा एमाले र यसको संरचनामाथि लक्षित गरिएको आरोप लगाए। उनले आगामी दिनमा पार्टी र नेता–कार्यकर्तामाथि कुनैपनि ‘गिद्धे नजर’ परे कडा प्रतिकार गर्ने चेतावनी दिए।

युवा संघका निवर्तमान महासचिव सुमन पुरीले राष्ट्र, राष्ट्रियता र संविधानमाथि धावा बोल्ने प्रवृत्तिमाथि कडाभरि उभिने एमालेको अडान दोहोर्याए।

एमाले रूपन्देही अध्यक्ष यज्ञ गैरेले भदौ २३ र २४ गतेका घटनाको निष्पक्ष छानबिन गरी दोषीलाई कानुनी दायरामा ल्याउन प्रहरी प्रशासनलाई आग्रह गरे।

जिल्ला उपाध्यक्ष हितराज पन्थीको सञ्चालनमा सम्पन्न उक्त कार्यक्रममा ठूलो संख्यामा नेता तथा कार्यकर्ताको उपस्थिति थियो।