प्रधानमन्त्रीको सीमासम्बन्धी अभिव्यक्तिप्रति माओवादीको माइतीघरमा विरोध प्रदर्शन

काठमाडौं, जेठ ३० – प्रधानमन्त्री बालेन्द्र शाहले सीमा समस्याबारे व्यक्त गरेको भनिएको विवादास्पद अभिव्यक्तिको विरोधमा नेकपा (माओवादी केन्द्र) का कार्यकर्ताहरूले काठमाडौंमा प्रदर्शन गरेका छन्।

शनिबार माइतीघर मण्डलामा भेला भएका प्रदर्शनकारीहरूले प्रधानमन्त्रीको उक्त अभिव्यक्तिलाई राष्ट्रहितविपरीत भएको आरोप लगाउँदै विरोध जनाएका हुन्।

प्रदर्शनका क्रममा सहभागीहरूले सुस्ता क्षेत्रका प्रभावित नेपाली नागरिकलाई राज्यले उचित सम्मान र संरक्षण दिनुपर्ने, साथै सीमा सुरक्षामा सरकार गम्भीर हुनुपर्ने माग उठाएका थिए।

उनीहरूले “सीमा अतिक्रमण बन्द गर”, “सुस्तामा विदेशी हस्तक्षेपको प्रतिरोध गरौं”, र “राष्ट्रको भौगोलिक अखण्डताको रक्षा गरौं” जस्ता नारा लेखिएका प्लेकार्ड प्रदर्शन गरेका थिए।

साथै, माओवादी केन्द्रले प्रधानमन्त्री शाहले आफ्नो अभिव्यक्तिप्रति सार्वजनिक रूपमा माफी माग्नुपर्ने माग पनि अघि सारेको छ।