अदालतले दियो सुविधा, शाह अब वारेस पठाएर तारिख लिन सक्ने

काठमाडौं, वैशाख ४ – सर्वोच्च अदालतले प्रधानमन्त्री बालेन शाहलाई अदालतको अवहेलना सम्बन्धी मुद्दामा वारेसमार्फत तारिख लिन पाउने सुविधा दिएको छ।

न्यायाधीश हरि फुयाल र शान्तिसिंह थापाको संयुक्त इजलासले शाहलाई व्यक्तिगत रूपमा उपस्थित नभई वारेस पठाएर मुद्दाको तारिख बुझ्न सक्ने अनुमति प्रदान गरेको हो।

अदालतको यस निर्णयपछि अब मुद्दाको प्रक्रियामा प्रधानमन्त्रीको सट्टा उनका वारेस उपस्थित भई आवश्यक प्रक्रिया पूरा गर्न सक्नेछन्।

शाहविरुद्ध दर्ता भएको अवहेलना मुद्दा तीन वर्षदेखि सर्वोच्च अदालतमा विचाराधीन अवस्थामा रहेको छ।

उक्त मुद्दा उच्च अदालत पाटनको आदेशपछि सामाजिक सञ्जालमा व्यक्त गरिएको धारणा सम्बन्धी विषयसँग जोडिएको हो, जसका आधारमा अधिवक्ता वर्षा झाले निवेदन दायर गरेकी थिइन्।